რესტორან „საირმეში“ ჯანსაღი კვება და საუცხოო გემოები ჰარმონიულად ერთიანდება. სტუმრებს ვთავაზობთ ქართული და ევროპული კერძების სამჯერად მენიუს, რომელიც მზადდება ადგილობრივი, ნატურალური პროდუქტებით.

ჩვენი შეფ-მზარეულები მაღალი ხარისხის გასტრონომიულ გამოცდილებას ქმნიან, რაც მენიუს თითოეულ დეტალში იგრძნობა. სახალისო და ჯანსაღი არჩევანი ბავშვებისთვის იძლევა შესაძლებლობას, რომ ყველა ასაკის სტუმარმა იპოვოს სასურველი კერძი.

მთელ მსოფლიოში უყვართ იტალიური სამზარეულო თავისი მდიდარი და დაუვიწყარი გემოებით. მთავარი საიდუმლო კი ახალი, ნატურალური და ადგილობრივი ინგრედიენტების გამოყენებაა. თითოეული იტალიური კერძის საფუძველია: სიმარტივე, მაღალი ხარისხი და ტრადიციებისადმი ერთგულება.

კურორტ საირმეში შეგიძლიათ, დააგემოვნოთ კლასიკური იტალიური კერძები, რომლებიც თქვენს მაგიდასთან გააცოცხლებს იტალიურ გემოებს – ტოსკანური ნოყიერი კერძებიდან ამალფის სანაპიროს ახალ ზღვის პროდუქტებამდე.

რესტორანი „ტერასა“ იდეალური ადგილია საირმის ტყის პეიზაჟებით დასატკბობად. წიწვოვანი და ფოთლოვანი ტყეებით გარშემორტყმულ გარემოში თქვენ შეგიძლიათ, მიირთვათ უგემრიელესი კერძები.

სტუმრები გაეცნობიან საუკეთესო ქართულ და ევროპულ სამზარეულოს. დააგემოვნებენ შეფ-მზარეულის საფირმო ხაჭაპურს, კუპატს, ახალ სალათებსა და საგულდაგულოდ შერჩეულ ღვინოებს.

ტერასა შესანიშნავი არჩევანია მასშტაბური ღონისძიებებისთვის. 230 ადამიანზე გათვლილი სივრცე საუკეთესო იქნება ქორწილების, ბანკეტების, ბიზნეს შეხვედრებისა და კორპორატიული დღესასწაულებისთვის.

ლობი ბარი საღამოს სასიამოვნოდ გასატარებლად და დასასვენებლად იდეალური ადგილია. მყუდრო და მეგობრულ გარემოში გიმასპინძლებთ გემრიელი კერძებით, ტკბილი დესერტებითა და ფერადი საფირმო კოქტეილებით. 

ყოველ საღამოს (ხუთშაბათის გარდა) ატმოსფეროს ცოცხალი მუსიკა ავსებს – კლავიშისა და ვიოლინოს მომხიბვლელი შესრულებით. ეს საუკეთესო ადგილია, როგორც მეგობრებთან ერთად დროის გასატარებლად, ასევე მხიარული საღამოს მოსაწყობად.

კერძების შეკვეთა შეგიძლიათ 23:30 საათამდე, პოზიტიური განწყობა კი გვიან ღამემდე გრძელდება.